محرم الحرام کے آغاز پرحرم امام رضا علیہ السلام کے نائب متولی حرم سید الشہداء حضرت امام حسین علیہ السلام کے پرچم کی تبدیلی کے مراسم میں شرکت کے لئے کربلا تشریف لے گئے۔
مظلوم کربلا حضرت ابا عبداللہ الحسین علیہ السلام کی شہادت کے ایّام شروع ہو رہے ہیں اور اس مناسبت سے حرم امام رضا(ع) سوگوار دکھائی دیتا ہے اورروضہ منورہ امام رضا علیہ السلام کے خادم مجالس امام حسین علیہ السلام کے انعقاد کے لئے تیاریاں کر رہے ہیں۔
محرم الحرام کے پہلے عشرے کی مناسبت سے حرم امام رضا(ع) کی انتظامیہ کی جانب سے غیرملکی زائرین کے لئے عزاداری و مجالس کے متعدد پروگرامز منعقد کروانے کی بھرپور تیاری کی جا چکی ہے ۔
