عتبہ نیوز کی رپورٹ کے مطابق؛ گذشتہ برسوں کی طرح اس سال بھی ماہ محرم الحرام کے آغاز کے ساتھ ہی حرم امام حسین علیہ السلام کے گنبد مطہر پر نصب سرخ پرچم کو اتار کر سیاہ پرچم نصب کرنے کے مراسم منعقد کئے گئے ۔
یہ مراسم حرم امام رضا علیہ السلام کے ادارہ بین الاقوامی امور اور حرم امام حسین علیہ السلام کے باہمی تعاون سے منعقد کئے گئے جن میں حرم امام رضا علیہ السلام کے نائب متولی سمیت اہلبیت(ع) کے ہزاروں چاہنے والوں نے شرکت فرمائی۔
عراق کے شیعی دیوان وقف کے سربراہ،حرم امام حسین(ع) کے شرعی متولی،علمائے کرام،قبیلوں کے سردار اور عراق کے شیوخ و بزرگان جملہ ایسے افراد تھے جنہوں نے اس مراسم میں شریک ہوکر سید الشہداء کی بارگاہ اقدس میں اپنی عقیدت و محبت کا اظہار کیا۔