آستان نیوز کی رپورٹ کے مطابق؛ ’’تیسرے درجے کے جامع اسکول آف انٹرنیشنلائزیشن ٹیکنیکس اینڈ ٹیکٹس اور یونیورسٹی رینکنگ میں اضافے ‘‘ کے عنوان سے افتتاحی تقریب مؤرخہ25 دسمبر2024 کو امام رضا(ع) یونیورسٹی کی میزبانی میں خواتین یونٹ میں واقع شہید سلیمانی ہال منعقد کی گئی جس میں ڈاکٹر امید رضائی فر نے گفتگو کرتے ہوئے کہا کہ اس دور میں ملکوں کی طاقت سائنس اور ٹیکنالوجی پر مبنی ہے اس لئے سائنس اور ٹیکنالوجی ممالک کو با اختیار اور طاقتور بنانے کے اہم عوامل ہیں۔
اس دور میں ممالک کو درپیش خطرات ٹکنیکل نوعیت کے ہیں اس لئے اگر کسی ملک میں سائنس اور ٹیکنالوجی کا فقدان ہوگا تو بلاشبہ اسے نقصان اٹھانا پڑے گا۔
ڈاکٹر رضائی فر نے کہا کہ بدقسمتی سے ملک میں جب بھی علم اور ٹیکنالوجی کی بات ہوتی ہے تو ہمیں تعلیم کے میدان میں یا تو روک دیا جاتا ہے یا اس میں رکاوٹ ڈالی جاتی ہے اور ٹیکنالوجی کے میدان میں ہم کچھ نہیں کر پاتے ۔
 انہوں نے دنیا میں مشینیں بنانے والی کمپنیوں کا ذکر کرتے ہوئے کہا کہ ایک کمپنی اپنے مالک کو متعارف کراتی ہے اور دوسری کمپنی ملک  کی نمائندگی کرتی ہے ۔
انہوں نے ترقی یافتہ ممالک میں تبلیغاتی ذرائع کا ذکرکرتے ہوئے کہا کہ سائنسی اتھارٹی کے حصول کے لئے محنت اور لگن کے ساتھ تبلیغاتی ذرائع اہم ستون ہیں اور کام و کوشش کے بغیر تبلیغات کرنا بھی ناکامی کا باعث ہے ۔
انہوں نے اپنی گفتگو کے دوسرے حصے میں اس بات پر تاکید کی کہ غیرملکی طلباء کو فارسی زبان ضرور سکھائی جائے ۔
واضح رہے کہ اس تقریب میں ملک بھر کی تیس یونیورسٹیوں کے نمائندوں نےشرکت فرمائی اور تین دن تک یہ تقریب امام رضا(ع) یونیورسٹی کی نمائندگی میں شہر مشہد مقدس میں منعقد رہی۔