آستان نیوز کی رپورٹ کے مطابق؛ سید النساء العالمین حضرت فاطمہ زہراء(س) کی شہادت کی مناسبت سے سوگ کی علامت کے طور پر حرم امام رضا علیہ السلام کے گنبد مطہر پر سیاہ پرچم نصب کیا گیا اس کے علاوہ ضریح مطہر امام رضا(ع) پر بھی سیاہ چادر چڑھائی گئی۔
ضریح مطہر پر چادر چڑھانے اور گنبد مطہر کے پرچم کی تبدیلی کے مراسم میں حرم امام رضا علیہ السلام کے خادموں سمیت زائرین و مجاورین کی کثیر تعداد نے شرکت فرمائی اور دخترِ رسول مکرم اسلام(ص) سے اپنی عقیدت کا اظہار کیا۔
واضح رہے  کہ ایّام فاطمیہ کی مناسبت سے پورے حرم امام رضا علیہ السلام میں مختلف جگہوں پر سیاہ پرچم اور حضرت فاطمہ زہراء(س) کے مبارک نام سے منقش  بنرز نصب کئے گئے ہیں۔