سال کے 365دنوں میں جب بھی آپ کی نظر امام رضا(ع) کے گنبد مطہر اور نورانی بارگاہ پر پڑتی ہے توآپ کے جسم و روح دونوں کی حالت بہتر ہوجاتی ہے ،لیکن بہت سارے افراد ایسے بھی ہیں جو سال بھراپنی اپنی حاجات کو عقیدت و محبت کی زنبیل میں سنبھال کر رکھتے ہیں تاکہ ڈائریکٹ اپنی دعاؤں کو شرف قبولیت دلوا سکیں ، فرق نہیں کہ آپ کے کندھوں پر گناہوں کا بوجھ ہے یا با ایمان ہیں،مانگو گے تو وہ عطا کرے گا اور ڈھونڈو گے تو مل جائے گااور اگر اس کی مہربانیوں سے کنکٹ ہوگئے تو بقول آج کے نوجوانوں کے ان لمیٹڈاور وسیع بینڈ گیپ ملے گا۔
ایک وقت تھا جب دنیا کی سیر اور سیاحت کرنا ایک ایسی خواہش تھی جس کا پورا ہونا ہر کسی کے نصیب میں نہيں ہوتا تھا کیونکہ اس دور میں ایک فرسخ کا سفر طے کرنے میں پورا دن لگ جاتا تھا ،یہی وجہ تھی کہ جب بھی اس دور میں کوئی شخص سفر پر نکلتا تو سفر کی داستان اور سرگذشت کو ضرور ر قلمبند کرلیتا تاکہ وہ لوگ جن کے دلوں میں سفر کی حسرت ہے لیکن سفر پر جا نہیں سکتے وہ اسے پڑھ کر اپنے خیالات اور تخیلاتی دنیا میں سیر کرکے دور دراز کے علاقوں اور وہاں بسنے والوں کی زندگی اور طرز زندگی سے آشنائي حاصل کرسکیں
