آستان نیوز کی رپورٹ کے مطابق؛ آستان قدس رضوی کے قرآنی مرکز نے گذشتہ چھے سالوں کے دوران مختلف سطح کے قرآنی پروگراموں کا انعقاد کیا جس میں معاشرے کے مختلف طبقوں ت بشمول بچے، نوجوان،جوان اور درمیانی عمر کے لوگوں نے شرکت کی۔
 مشہد الرضا(ع) کے تعلیمی کورسز کا انعقاد آستان قدس رضوی کے قرآنی مرکز کی اہم ترین تعلیمی سرگرمیوں میں سے شمار کیا جاتا ہے جو اپنی مؤثر تعلیمی سرگرمیوں کی وجہ  سےبہت زیادہ مقبول ہوا ہے اور حتی اس وقت بین الاقوامی سطح پر بھی قرآنی سرگرمیاں انجام دے رہا ہے ۔
بچوں کو قرآنی تعلیم دینے کے لئے مہدالرضا(ع) کے عنوان سے 1998 میں قرآنی دروس اور کلاسوں کا آغاز کیا گیا ،ابتدا میں اس پراجیکٹ کو دو کلاسوں کی صورت میں شروع کیا گیا تھا جو کہ اب اکتیس صوبوں میں تک پھیل گئي   اوراس وقت امام رضا(ع) کے لطف و کرم سے پورے عالم اسلام میں بچوں کو قرآن کی تعلیم دینے کا سب سے بڑا نیٹ ورک آستان قدس رضوی کا ہے
آستان قدس رضوی کےقرآنی مرکز کی تأسیس سے 2024 تک کے   برسوں  میں   پانچ سال کی عمر کے  تین لاکھ بچوں نے قومی اور بین الاقوامی سطح پر قرآن کریم کی تعلیم کھیل اور کہانیوں کی شکل  میں  حاصل کی۔
واضح رہے کہ پانچ سال کے بچوں کے لئے ملک بھر میں چودہ سو قرآنی کلاسز کا انعقاد کیا جاتا ہے ۔
بین الاقوامی سطح پر انجام پانے والی قرآنی سرگرمیوں کی تفصیلات
آستان قدس رضوی کے قرآنی مرکز کی تعلیمی سرگرمیاں جوکہ کہانیوں اور کھیلوں جیسے نئے طریقوں کے ذریعہ انجام پاتی ہیں انہیں بین الاقوامی سطح پر بچوں کی جانب سے بہت زیادہ پسند کیا گیا ہے ۔
2023 میں پہلی بار مہد الرضا(ع) کی تعلیمی کلاسز کوتین براعظموں ایشیا، امریکا   اور یورپ میں تین ممالک افغانستان، جرمنی اور کینیڈا میں شروع کیا گیا،2024 میں قرآن کریم کی تعلیم دینے کے اس طریقے کو بچوں کی جانب سے بہت زیادہ پسند کیا گیا۔
رواں سال میں مہدالرضا(ع) کی تعلیمی کلاسز چھے ممالک بشمول جرمنی،کینیڈا،عراق، افغانستان،بحرین اور سعودی عرب میں جاری ہیں اور ایک ہزار سے زائد بچے مہد الرضا(ع) کی قرآنی تعلیم سے مستفید ہورہے ہیں۔
مہد الرضا(ع) کو مزید توسیع دینے کے لئے15 مختلف ممالک سے تقریباً170 قرآنی اساتذہ کا انتخاب کیا گیا ہے ۔
اس کےعلاوہ مہدالرضا(ع) کے152 قرآنی اساتذہ کے لئے علمی و ثقافتی آرگنائزیشن کے شعبہ بین الاقوامی امور کے تعاون سے تربیتی کورس کا انعقاد کیا گیا جس میں آذربائیجان، افغانستان، امریکا، انڈونیشیا،بوروینا فاسو،پاکستان، تاجکستان،سویڈن،عراق، نائجیریا اور ہندوستان کے اساتذہ نے شرکت کی