آستان قدس رضوی کے ادارہ تبلیغات اسلامی کے نائب ڈائریکٹر حجت الاسلام والمسلمین حسین شریعتی نژاد نے آستان نیوز کے نمائندے سے گفتگو کے دوران اس تقریب کے بارے میں تفصیلات بتاتے ہوئے کہا کہ ماہ شعبان المعظم کے اختتامی ایّام میں عالم اسلام لبنان کے شہر بیروت میں مزاحمت کے علمبردار اور عظیم مجاہد شہید سید حسن نصراللہ کے جسد مطہر کی تشیع جنازہ دیکھے گا۔

انہوں نے مزید یہ بتایا کہ مؤرخہ 21 فروری2025 بروز اتوار کو حرم امام رضا علیہ السلام کے رواق امام خمینی(رہ ) میں بیروت سے براہ راست شہید سید حسن نصراللہ کی تشیع جنازہ کے مراسم کو ’’انا علی العھد‘‘ کے عنوان سے براہ راست دکھایا جائے گا۔

حجت الاسلام شریعتی نژاد نے گفتگو کو جاری رکھتے ہوئے کہا کہ حجت الاسلام شیرازی اس تقریب کے دوران خطاب فرمائیں گے اور اہلبیت عصمت و طہارت(ع) کے ذاکرین اور مداح خوان ذکر فضائل و مصائب پڑھیں گے۔

گفتگو کے آخر میں انہوں نے مشہد مقدس کی شہید پرورعوام اور حرم امام رضا(ع) کی نورانی بارگاہ کے زائرین سے اس تقریب میں شرکت کرنے کی دعوت دی تاکہ اس عظیم شہیدکو خراج عقیدت پیش کرنے کے ساتھ عالمی استکبار کے خلاف مزاحمتی محاذ کی جدوجہد کی بھرپور حمایت کی جا سکے۔