آستان نیوز کی رپورٹ کے مطابق؛ جنرل کمانڈر شہید نیلفروشان کے جسد خاکی کی تشییع  میں مشہد مقدس کے دانش چوک سے حرم امام رضا(ع) تک زائرین و مجاورین کی کثیر تعداد نے شرکت کی  ،حرم امام رضا علیہ السلام میں اس بلند مرتبہ شہیدکے جسد کو حرم کا طواف دینے کے بعد ایران کے شہر اصفہان منتقل کردیا گيا  جہاں پر مؤرخہ 17 اکتوبر بروز جمعرات کو شہید کے پیکر مطہر کو سپرد خاک کیا جائے گا۔  
واضح رہے کہ میجر جنرل شہید عباس نیلفروشان ایران کی سپاہ پاسداران کے فوجی مشیر تھے جنہیں مؤرخہ 28 ستمبر2024  کو لبنان کے دارالحکومت بیروت کے جنوبی علاقے ضاحیہ میں غاصب صیہونی حکومت نے ایک فضائی حملہ کر کے حزب اللہ لبنان کے سیکرٹری جنرل شہید سید حسن نصر اللہ کے ہمراہ شہید کر دیا تھا۔