عتبہ نیوز کی رپورٹ کے مطابق؛ تیرہ رجب المرجب مؤرخہ ۵ جنوری۲۰۲۴ کو حضرت علی علیہ السلام کی ولادت با سعادت کی مناسبت سے پاکستان،ہندوستان،کینڈا،برطانیہ،آسٹریلیا اور آمریکہ سے تشریف لانے والے اردو زبان زائرین کے لئے حرم امام رضا(ع) کے رواق غدیر میں جشن منعقد کیا گیا۔
جشن کا انعقاد تلاوت قرآن کریم سے ہواجس کے بعد قصیدے اور اشعار پڑھے گئے ،مداح خوانان اہلبیت(ع) جناب عارف حسین زاہدی،جناب وحید حسین لاشاری اور جناب سید محمد موسوی نے امیرالمؤمنین حضرت علی(ع) کی شان میں قصیدےپڑھے،جشن میں شرکت کرنے والے زائرین کو حرم امام رضا علیہ السلام کی جانب سے پھول ،پرچم اور کئی دیگر متبرک تحائف عطیہ کئے گئے ۔
جشن کے اختتام پر حجت الاسلام والمسلمین سید مرتضی حسین نقوی نے حضرت علی(ع) کے فضائل پرخطاب فرمایا۔
آپ کا تبصرہ