عتبہ نیوز کی رپورٹ کے مطابق، حضرت زہرا (س) کے یوم ولادت کے موقع پر حرم امام رضا علیہ السلام کی خادماؤں نے مشہد کی مرکزی جیل کے خواتین وارڈ میں حاضر ہو کر جشن زہر سلام اللہ علیہا کا انعقاد کیا اور قیدیوں کو گنبد امام رضا علیہ السلام کے پرچم کی زیارت کرائی گئی، ساتھ ہی ان قیدیوں میں سے تین قیدیوں کا قرضہ جو کہ ۱۸۵ ملین تومان (۳۷۰۰ ڈالر) تھا، اس رقم کو ادا کرکے ان کی رہائی کے لیے زمینہ فراہم کیا گیا۔

حرم امام رضا علیہ السلام کے شعبہ خواہران کی سربراہ زہرا قاسمی کے مطابق یہ تمام رقم خادماؤں نے جمع کی تھی اور اس کے علاوہ ان آزاد ہونے والی خواتین میں سے ہر ایک کو ۱۴ لاکھ تومان اور ایک نقاب بھی ہدیہ دیا گیا جسے خادماؤں نے اپنی جانب سے ہی مہیا کیا تھا۔

نیز جشن ولادت حضرت زہرا (س) میں شریک خواتین کے درمیان مٹھائیاں، چاکلیٹ ،حرم کا تبرک اور اسکارف بھی تقسیم کیا گیا، ان تحائف کی قیمت بھی خادماؤں نے ہی ادا کی۔