آستان قدس رضوی کی اسلامک ریسرچ فاؤنڈیشن کے شعبہ نشر اور سماجی کاری کے نائب ڈائریکٹر نے بتایا کہ حضرت امام علی رضا علیہ السلام سے متعلق ثقافتی ورثہ عالمگیر ہونے کی صلاحیت رکھتا ہے ،البتہ اسے دیگر ممالک میں پیش کرنے کے لئے ہمیں انسانی علوم اور معارف اسلامی کے نشر و اشاعت اور ترجمہ کے مرکز کی راہنمائی اور تعاون کی ضرورت ہے ۔
آستان قدس رضوی کے تخلیقی آرٹ انسٹیٹیوٹ کے منیجنگ ڈائریکٹر نے بتایا کہ حرم امام رضا علیہ السلام دنیا میں فن کے منفرد فن پاروں کی تخلیق کا مرکز ہے اس لئے آرٹسٹس حرم کے فن پاروں سے الہام لے کرعمدہ اور بہترین فن پارے تخلیق کر سکتے ہیں۔
حرم امام رضا علیہ السلام کے متولی نے انسان کی تربیت، ہدایت اور خدا کے ساتھ تعلق کو مضبوط بنانے میں آرٹ اور فن کی روحانی طاقت کا ذکر کرتے ہوئے کہا کہ حرم امام رضا(ع) کا فن تعمیر ،روحانیت اور فن کے مابین اٹوٹ رشتے کا منہ بولتا ثبوت ہے ۔
