حضرت امام علی رضا(ع) سے محبت و عقیدت کی کوئی حد ومرز نہیں ہے یہی وجہ ہے کہ دنیا بھر سے کثیر تعداد میں زائرین حرم امام رضا علیہ السلام کی زیارت سے مشرف ہوتے ہیں،رہبر معظم انقلاب اسلامی نے حرم امام رضا(ع) سے وابستہ مجموعے آستان قدس رضوی کے متولی اور سرپرست اعلیٰ کو اس مجموعہ کی ذمہ داری سونپتے وقت مذہبی اور علمی سرگرمیوں کے حوالے سے خصوصی تاکید کی اور آستان قدس کو بے پناہ توانائيوں اورگنجائشوں کا حامل قرار دیتے ہوئے فرمایا تھا کہ یہ مجموعہ عالمی سطح پرمذہبی علمی اور ثقافتی حوالے سے بہت زیادہ مؤثر واقع ہو سکتا ہے ۔
آستان قدس رضوی کے تخلیقی آرٹ انسٹیٹیوٹ کے تعاون سے ’’رضوی اسکول آف آرٹ‘‘ کا گولڈ میڈل اور خصوصی ایوارڈ ان ان فنکاروں کو دیا جائے گا جو رضوی ثقافت اور رضوی تعلیمات کو آرٹ کی زبان سے فروغ دینے میں مؤثر کردار ادا کریں گے۔
آستان قدس رضوی کے کتب خانوں، عجائب گھروں اور دستاویزوں کی آرگنائزیشن کے شعبہ میوزیم اور فروغ ثقافتی ورثے کے سربراہ کا کہنا ہے کہ "زیارت رضوی" کے زیرعنوان عالمی رجسٹریشن فائل اس سال رجسٹرڈ ہونے کے لئے یونسکو ارسال کی جائے گی
