آستان نیوز کی رپورٹ کے مطابق؛ ایران کی برآمداتی صلاحیتوں کی نمائش کا ساتوں دورہ جو کہ 28 اپریل 2025 سے تہران کی بین الاقوامی نمائش کے مقام پر ہوگا اور پانچ دنوں تک جاری رہے گا، اس نمائش کے دوران  سرخس اسپیشل اکنامک زون100 مربع میٹر رقبے پر ملکی اور غیرملکی سرمایہ کاروں کی میزبانی کرے گا۔
یہ اکنامک زون ترکمانستان کی سرحد کے قریب اور شمال- جنوب کوریڈور گیٹ وے کے قریب ہونے کی وجہ سے ملک کے مشرقی علاقے میں سرمایہ کاری کا سب سےاہم پلیٹ فارم بن چکا ہے ۔
 اسی بات کو مدّ نظر رکھتے ہوئے اس نمائش میں سرمایہ کاری کے پچاس مختلف منصوبوں سے نقاب کشائی کی جائے گی۔
ایران اکسپو2025 کا آغاز ایران کے صدرمملکت اورسوممالک کے  دو ہزار سرمایہ کاروں کی موجودگی میں کیا جائے گا۔
یہ نمائش پچاس ہزار مربع میٹر رقبے پر منعقد کی جائے گی ، اس نمائش میں سات قسم کی مصنوعات بشمول فوڈ انڈسٹریز، زراعت اور ماہی گیری، ادویات اور طبی آلات، تعمیراتی صنعت، پیٹرو کیمیکلز اور ٹیکنیکل انجینئرنک کی خدمات شامل ہیں۔
 سرخس اسپیشل اکنامک زون پویلین کو خصوصی ہال نمبر A4144ہے جسے سرمایہ کاروں،تاجروں اور ملک کے مشرقی حصے کی صلاحیتوں سے دلچسپی رکھنے والے مہمانوں کی میزبانی کے لئے تیار کیا گیا ہے ۔
اس بین الاقوامی نمائش کاایک اوراہم نکتہ یہ ہے کہ مختلف ممالک کے پچاس اعلیٰ سطحی وفود کی شرکت سے 3500 سے زائدB2B میٹنگز منعقد ہوں گی جن کے ذریعہ سرخس اسپیشل اکنامک زون کی صلاحیتوں کو متعارف کرایا جائے گا اور غیرملکی سرمایہ کاروں کو راغب کیا جائے گا۔
واضح رہے کہ حالیہ چند برسوں میں سرخس اسپیشل اکنامک زون نے انفراسٹرکچر کو جدید بنانے ، لاجسٹکس کی جگہ کو ترقی دینے اور کاروباری عمل کو آسان بنا کر اقتصادی پیداواری صلاحیت کے طویل مدتی اہداف کو حاصل کرنے کے لئے اہم اقدامات انجام دیئے ہیں۔