چہلم امام حسین علیہ السلام کے لئے فقط چند دن باقی ہیں ،مہران بارڈر پر رضوی خادمین کی جانب سے میزبانی کے وسیع انتظامات کئے گئے ہیں ،اس جگہ پر آستان قدس رضوی کا مرکزی کچن روزانہ کی بنیاد پر زائرین کے لئے ہزاروں کھانے تیارکر کے تقسیم کر رہا ہے ۔
انٹرنیشنل یونیورسٹی امام رضا(ع) کے چانسلر ڈاکٹر ابراہیم دانشی فر کی راہنمائی میں یونیورسٹی کا کاروان ’’ الی بیت المقدس‘‘ شلمچہ بارڈر کی طرف روانہ ہو گیا تاکہ بصرہ یونیورسٹی کے موکب پر جا کر زائرین کی خدمت کر سکے۔
حرم امام رضا(ع) کے خدام کا کاروان مسلسل پانچویں سال سے حرم رضوی کے متبرک پرچم اور کئی تحائف لے کر عراق جا رہا ہے ،یہ کاروان اپنے اس سفر کے دوران جہاں چہلم امام حسین (ع)پر لگائے جانے والے موکبوں کی تجلیل و تکریم کرے گا وہیں ایرانی اور عراقی اقوام کے لئے وحدت کا پیغام بھی دے گا۔
شہر رفسنجان میں رضوی خدمات مرکز کے سکریٹری نے اس مرکز کی کوششوں اور صوبہ کرمان کے رضوی خدمات مرکز کے تعاون سے پہلے ۱۷ زائرین کو کربلا معلیٰ بھیجنے کا اعلان کیا۔
