آستان نیوز کی رپورٹ کے مطابق؛ آستان قدس رضوی کے نائب متولی جناب مصطفیٰ فیضی نے مؤرخہ 5 مئی 2025 کو عشرہ کرامت کی مناسبت سے منعقدہ خصوصی پریس کانفرنس کے دوران شہدائے خدمت خصوصاً شہید آیت اللہ رئیسی اور ان کے ہمراہ شہید ہونے والے افراد کو خراج عقیدت پیش کی اور اسی طرح بندرعباس واقعہ میں وفات پانے والے افراد کے اہلخانہ کو تعزیت پیش کرتے ہوئے کہا کہ زیارت محض ایک مذہبی مسئلہ نہیں ہے بلکہ ایک اسٹریٹجک اور قومی مسئلہ ہے ۔
آستان قدس رضوی مختلف اداروں کے تعاون سے قومی زیارت دستاویز کو تیار کررہا ہے تاکہ نقل و حمل،رہائش، خدمات اور زائرین کی راہنمائی کے عمل کو باقاعدہ طور پر منظم کیا جا سکے۔
جناب فیضی نے گفتگو کو جاری رکھتے ہوئے کہا کہ عشرہ کرامت کے ایّام میں 275 دینی و ثقافتی پروگراموں کا انعقاد کیا جائے گا؛جنہیں حرم امام رضا(ع)،مشہد مقدس کے مضافات اور حتی دیگر صوبوں میں منعقد کیا جائے گا۔
انہوں نے کہا کہ رہبر معظم انقلاب اسلامی نے تاکید کی ہے کہ آستان قدس رضوی کی سماجی و ثقافتی سرگرمیوں کا دائرہ کار وسیع کیا جائے اس بات کو مدّ نظر رکھتے ہوئے نہ فقط حرم امام رضا(ع) کے اندربلکہ ملک بھر میں مختلف پروگراموں کا انعقاد کریں گے۔
حرم امام رضا(ع) میں عشرہ کرامت کے زائرین کا بھرپور استقبال
حرم امام رضا(ع) کے سربراہ اعلیٰ جناب خوراکیان نے اس پریس کانفرنس کے تسلسل میں بتایا کہ رواں سال عشرہ کرامت کے ایّام میں 32 عوامی اور آفیشلی موکب حرم میں اور مشہد مقدس میں لگائے گئے ہیں جن کے ذریعہ چالیس لاکھ سے زائد زائرین کی پذیرائی کی جائے گی۔
انہوں نے مزید یہ بتایا کہ دولاکھ سے زائد کتب اور ثقافتی و مذہبی مصنوعات کو زائرین کے درمیان تقسیم کرنے کے لئے تیار کیا گیا ہے ۔
جناب خوراکیان نے بتایا کہ حرم امام رضا(ع) کو عشرہ کرامت کی مناسبت سے پھولوں کے ساتھ سجایا گیا ہے اور اس کام کے لئے 17 گروپ عشق و اخلاص کے ساتھ کام انجام دے رہے ہیں۔
عشرہ کرامت کے ایّام میں مؤرخہ 8مئی2025 کو شہید آیت اللہ سید ابراہیم رئیسی کی یاد میں خصوصی پروگرام حرم امام رضا علیہ السلام کے صحن پیامبر اعظم(ص) میں منعقد کی اجائے گا۔
پریس کانفرنس کو جاری رکھتے ہوئے کرامت رضوی فاؤنڈیشن کے منیجنگ ڈائریکٹر جناب محمد حسین استاد آقا نے بتایا کہ گذشتہ سال سے اب تک آستان قدس رضوی کے اہم ترین اقدامات میں سے ایک یہ تھا کہ آٹھ دیہاتوں میں چار ہزار سے زائد کاروبار لوگوں کے لئے فراہم کئے گئے ہیں۔
اس کے علاوہ مخیر حضرات کے تعاون سے چھ لاکھ افراد پہلی بار حرم امام رضا(ع) کی زیارت سے مشرف ہوئے ہیں ۔

 اندرون ملک اور بیرون ملک میں 300 ثقافتی پروگراموں کا انعقاد
آستان قدس رضوی کی علمی و ثقافتی آرگنائزیشن کےسربراہ جناب عبد الحمید طالبی نے بھی اس پریس کانفرنس کےد وران گفتگو کرتے ہوئے کہا کہ اس سال عشرہ کرامت کا شعار اور ماٹو’’امام رضا(ع) کا ایران‘‘ انتخاب کیا گیا ہے ۔
انہوں نے بتایا کہ اس سال عشرہ کرامت میں تین سو علمی و ثقافتی پروگراموں کو اندرون ملک اور بیرون ملک منعقد کیا جائے گا۔ ان پروگراموں میں سے ایک اہم ترین پروگرام چھٹی عالمی کانگریس امام رضا(ع) کی بین الاقوامی کانفرنس کا انعقاد ہے جس میں سولہ ممالک کے 21 دانشور شرکت کریں گے۔
جناب طالبی نے مزید یہ بتایا کہ زیر سایہ خورشید کے عنوان سے 65  قافلے ملک بھر میں تشریف لے جائیں گے جو دو ہزار سے زائد جگہوں پر چودہ ہزار پروگراموں کا انعقاد کریں گے۔