روضہ منورہ امام رضا علیہ السلام کے سربراہ اعلیٰ نے آٹھویں امامؑ کی نورانی بارگاہ میں خدمت فراہم کرنے والے پلیٹ فارمز کی تعداد میں اضافہ کا ذکر کرتے ہوئے کہا کہ سالانہ ایک لاکھ خادموں کو حرم امام رضا(ع) میں خدمت کرنے کی توفیق حاصل ہے۔
امام رضا علیہ السلام کے با برکت دسترخوان پر بیٹھنا ہر اس زیارت کرنے والی کی دلی تمنا ہوتی ہے جو ہزاروں امیدوں کے ساتھ امام علیہ السلام کی بارگاہ میں شرفیاب ہوتا ہے اور امام سے راز و نیاز کرتا ہے اسی دوران یہ کتنی خوبصورت بات ہے کہ امام رضا علیہ السلام کے مہمان خانہ کا چراغ لوگوں کے ہدیوں کے زیر سایہ روشن ہے اور ہر سال اس دربار کے بہت سے عقیدت مند اس دسترخوان کا لذیذ کھانا چکھنے کی سعادت حاصل کرسکتے ہیں اور اس بات کا احساس کر سکتے ہیں کہ امام رضا علیہ السلام نے ان پر اپنی نگاہ کرم فرمائی ہے۔
